Albisteak

Pediatriako profesionalak bide lagun.

2016-02-12

Esan dezakegu Bularretik Mintzora egitasmoak  ibilbide luzea duela haurraren inguruan dauden bitartekariak formatzen. Eskarmentu handiko urteak izan dira batik bat eskola eremuan izandako esperientziari esker.

 

Etxean Kontu Kantari

2016-01-29

Etxean, autoan, parkean, nonbaiten zain gaulela kantatzeko eta kontatzeko jolas txikiak eskaintzen ditugu. Eskolan ere hauetako batzuk erabiliko dituzte eta buletinaren bitartez, etxea eta eskola elkartuko ditugu kontuz, kantuz eta jokoz.

 

 

Gozatu!

Ipuinez Ipuin

2016-01-29

Hiru proposamen kontatzeko: txikienentzat abentura xamur eta dibertigarria: 

 

 

Ipurtargia; helduagoek ipuin honekin aktibitate desberdinak prestatzeko aukera izango dituzte. Hurrengo proposamena tradiziotik hartu dugu: Zapataritxikiren Ipuina. Brandiaranek eskaini eta moldaketa baten ondoren zuen belarri eta begietara ekarri dugu Sasi Guztien Gainetik lanean. Azkenik, oinarrian tradiziozko ipuin bat duen, Otso ergela; neska-mutil helduenen gozamenerako. Beti dago zer kontatu, beti dago zer entzun.

Abrite portas, kris-kras!

Gela barnean

2016-01-29

Batzutan kosta egiten zaigu liburu bat hartu, begiratu, irakurri eta bertan proposatzen zaigunarekin zer egin jakitea. Liburu bat irakurtzean, hitzez azaldu ezin daitekeen zerbaitek zirrara sortarazten badizu liburu interesgarria izango seguru aski. Nonbaitera bidaiatzeko gonbitea egiten duten horietakoa. Gaur, hemen dituzu horrelako hiru liburu. Gaian eta erabileran oso desberdinak eta eskolako zein etxeko bibliotekan izateko ezinbestekoak.

Kopetilun: txikienei eta ez hain txikiei emozio korapiloak askatzen laguntzeko.

Tatsu Nagataren piztia handiak: era zientifiko bezain umoretsuaz animaliak ematen dizkigu ezagutzera.

Aurretik eta Ondoren: denboraren iraganak eragiten dituen aldaketak azaltzen dituen album mutua. Hirurak gozatzekoak!

Egitasmoa martxan

2016-01-29

Bularretik Mintzora egitasmoak abiapuntu, ibilbide eta jomuga bezala Euskal Haur literatura dauka. Gure helburua ez da  inola ere umea ahalik eta azkarren irakurtzen hastea. Gure asmoetan haurrak literatur testuak dastatu eta gozatuko ditu, helduek eskaintzen dizkieten kalitatezko testuen bitartez. Heldua eta haurren artean, afektibitatez beteriko komunikazio lotura estuko uneak sortu eta elikatuko dira, bere garapen osoaren mesedetan.

Hemen dituzue, Bularretik Mintzorako bi kidek, Itziar Zubizarreta eta Juan Karlos Alonso gai honi buruz sakonago hitz egiten duten hainbat hedabideetara luzatutako artikulua eta elkarrizketa.

 

BM egitasmoan dauden herrietako bibliotekariekin egindako bileren ondorengoak.

2015-12-16

Gaur egun BM egitasmoan 21 herrik hartzen dute parte. Hauetatik 17 herritako bibliotekariekin batu ginen lehengo udan egitasmoaren adar guztien inguruan balorazio bat egite aldera.

 

Buletin berriaren inguruko argibideak.

2015-12-11

Atzotik Bularretik Mintzora Web gunean azaldu genuen bezalaxe, gaur igortzen dizuegun BM buletinak aldaketa esanguratsu bat dakar:

Orain arte buletin honetan atxikitzen genituen baliabide literarioetarako sarbidea irekia izan da, edozein sar zitekeen nahieran. Baina kontutan izanda bertan agertzen diren baliabide literarioak Bularretik Mintzora egitasmoaren barne edukiak direla, hauen atzean dagoen lana ikaragarri handia dela eta eduki hauen egile eskubideei errespetua zor zaiela, sarean horiek babestea erabaki dugu. Beraz, informazio eta eduki hauek modu pribatuan, Bularretik Mintzorako erabiltzaile direnentzat bakarrik
eskaintzea egoki ikusi dugu.

Zu, jada, harpidea zara eta horregatik jasotzen duzu Buletina zure e-postan, baina buletineko eduki literario guztiak ikustea nahi baldin baduzu ERABILTZAILE egin beharko zinateke. Horretarako, egin klik hemen.
 

Galtzagorriko bazkide bazara, mesedez, jakinarazi iezaguzu fitxan agertzen den laukitxoan klikatuz. Bazkideek tarifa bereziak baitituzte.

Albiste gehiago

Agenda

Irakurketa Kluba. Errenteria.

2016-02-15

 BM egitasmoaren barruan, 3-5 urte bitarteko haurrentzat eta hauen gurasoentzat, egiten diren Irakurketa Klubak.

Irakurketa Kluba. Errenteria.

2016-02-17

 BM egitasmoaren barruan, 6-8 urte bitarteko haurrentzat eta hauen gurasoentzat, egiten diren Irakurketa Klubak.

© 2010 Bularretik mintzora

GALTZAGORRI ELKARTEA
Zemoria, 25-behea
20013 Donostia
Telf.:943 471 487 | Fax: 943 277 288

CSS | XHTML | WAI-A
iametza interaktiboak garatuta