Gurasoen prestakuntza

Bularretik Mintzoran sartzen diren herrietan, gurasoentzat ezinbesteko prestakuntza.

Bularretik Mintzora egitasmoan sartzen diren herrietako ikastetxeetan irakasleek Haur eta Gazte Literaturaren inguruko formakuntza jasotzen dute, hiru urtez. Herri horietan gurasoei ere Bularretik Mintzoraren lanaren abiapuntua hurbildu eta azaltze aldera, 2016/17 ikasturtetik prestakuntza eskaintzen zaie bi lantegi eta bi hitzaldiren bidez.

Prestakuntza hau eskarmentu handiko profesionalek eskaintzen dute eta Bularretik Mintzora egitasmoaren ezarpen fasearen lehendabiziko eta hirugarrengo urtean eskaintzen da.

Hala, Juan Carlos Alonso psikologoak 2 orduko bina lantegi eskaintzen ditu gurasoentzat: lehenengoa herri bat Bularretik Mintzoran sartzen den lehendabiziko urtean; bigarrena, hortik bi urtera, egitasmoaren ezarpen fasearen azken urtean.

 

Alonsoren tailer hauen helburua da gurasoei jakinaraztea zein onura dakartzan euren haurrekin euskarazko literatura, ahozkoa zein idatzizkoa, erabiltzeak. Eta erabilerari buruzko aholkuak ere jasotzen dituzte.

Aldi berean, Bularretik Mintzoran sartzen diren herrietan, ezarpen fasearen lehendabiziko eta azkeneko urtean Euskal Haur Literaturaren inguruko formazio-hitzaldi bana eskaintzen ditu Juan Kruz Igerabide idazle, poeta eta irakasleak. Bertan, Euskal Haur Literaturaren kalitatezko eredu eta testu ezberdinak lantzea da helburua: literatura onak bere baitan biltzen baitu haurraren garapenean izan lezakeen eragina.

 

Guraso Lantegiak aukeran

Goran aipatutako lantegi eta hitzaldiak Bularretik Mintzoran sartzen diren herrietako gurasoek egitea ezinbestekoa da. Baina Bularretik Mintzoraren baitan, badira aukeran eskaintzen ditugun gurasoentzako beste formazio aukera batzuk ere: Guraso Lantegiak hain zuzen. Lantegi hauek edozein herrik egin ditzake, BM kanpainaren baitan daudenak eta baita ez daudenak ere.

 

Hauen helburua gurasoak haurraren garapenean literaturak duen garrantziaz jabetzea da. HGLa hobeto ezagutzeko aukera partekatzeaz gain, kalitatezko liburuen zerrendak banatzen dira, eta, oro har, haurrekin literatura elkarbanatzeko eta literaturaz gozatzeko baliabideak ematen.

Gaur egun, 4 tailer proposatzen dira: 2 orduko 2 saioz osatzen da tailer bakoitza, eta gure inguruan gai hauetan eskarmentu handia duten profesionalek ematen dituzte. 

0-8    urte bitarteko haurren guraso, hezitzaile eta bitartekariei zuzenduak

daude.

 

 

 

Dokumentuak

© 2010 Bularretik mintzora

GALTZAGORRI ELKARTEA
Zemoria, 25-behea
20013 Donostia
Telf.:943 471 487 | Fax: 943 277 288

CSS | XHTML | WAI-A
iametza interaktiboak garatuta