Gurasoen prestakuntza

Bularretik Mintzora garatzen den herrietako bakoitzean hiru egoitza izaten ditu kanpainak, hiruetarako formazio aukerak eta material sailkatua diseinatu ditugularik, kanpainari hasiera emateko:

- Etxean: gurasoekin eta haurren zaintzaileekin, eskeintzen delarik gomendio zerrenda bat, bibliografia egoki bat, ikastaroak, liburutegian nola irakurri, erakutsi, kontatu... eta maileguan eramateko liburuz beteriko maletak.

 - Eskoletan: bibliografia egokia, gomendio zerrenda bat, maleten maileguak. Ikastaroak: Irakurzaletasuna nola sistematizatu curriculumaren barnean. 

- Liburutegian: formazio saioak, bibliografia egokia, maileguan etxera eta eskoletara eraman daitezkeen liburu maletak. Liburutegian kokatu izan da batik-bat ekintza guztia.

HITZALDIAK:

Juan Karlos Alonso psikologoak eskainitako "Haur Literaturaren eragina haurraren garapenean".

Juan Kruz Igerabide idazle eta poetak eskaintzen duen: "Ttunkuttunkun, hitzaren berotasuna".

GURASOENTZAKO IKASTAROAK:

Pello Añorgak 8 orduko ikastaroa eskaintzen du gurasoentzat: "Nola sortu espazioak elkar entzuteko, eta nola aukeratu eta kontatu liburuak", kanpaina garatu den herri bakoitzeko liburutegian.

Yolanda Arrietak 6 orduko ikastaroa eskaintzen du gurasoentzat: "Kontu-kontari: literaturaren ahozko baliabideak lantzeko tailer-bilgunea" hain zuzen.

GURASOENTZAKO IKASTARO-TAILERRAK:

Urtez urte, modulu bat garatzeko aukera izango da. Gai desberdinen inguruan saio teoriko-praktiko desberdinak burutzeko aukera dago. Modulu bakoitza 3 saiotan banatzen da: 90' ko hitzaldi bat; 90'ko bi saio praktiko.

 Hizlaria: Juan Karlos Alonso          Tailerreko dinamizatzailea: Mari García

1. modulua: Beldurra eta haur literatura

2. modulua: Indarkeria eta haur literatura

3. modulua: Umorea eta haur literatura

4. modulua: Emozio hezkuntza eta haur literatura

5. modulua: Fantasia eta irudimena eta haur literatura