Albisteak

Bularretik Mintzora Irakurketa Klubak abian

2017-09-21

Motorrak berotzen ari gara eta laster, urrian, hasiko dira ikasturte oro legez Bularretik Mintzora kanpainaren baitan Euskal Herriko hainbat herritan egiten ditugun Irakurketa Klubak.


Adin tarte desberdinetako Klubak izango dira:

  • Baditugu 3-5 urte bitarteko umeak dituzten familientzako klubak: haurrak eta lagunduko duen erreferentziazko heldu batek parte hartzen dute hauetan.
  • Baditugu baita ere 6-8 urte bitarteko haurrak dituzten familientzat klubak: saio hauetan ere gurasoek parte hartzen dute.
  • Eta erne! Badugu ESKAINTZA BERRI bat: 8-10 urte bitarteko neska-mutilentzat Irakurketa Kluba. Hauek guraso gabe etorriko dira saioetara denon artean irakurketa talde bat eratzera.


Hauexek dira udazkenean hasita, klubak martxan jarriko dituzten herriak: Iurreta, Errenteria, Donostia, Oñati, Ozaeta, Ermua, Andoain eta Otxandio. Beste askok urte berriarekin ekingo diete klubei.

 


Animatu eta sortu gurekin batera zure herrian ere Irakurketa Kluba!

atzera

Galtzagorri Elkartea
© 2016 Bularretik mintzora

GALTZAGORRI ELKARTEA
Zemoria, 25-behea
20013 Donostia
Telf.:943 471 487